Sulmet me dronë ukrainas kanë shkaktuar zjarre të mëdha në pyjet afër Detit të Zi, që u përhapën vetëm pak kilometra larg kompleksit luksoz të liderit rus Vladimir Putin, të njohur si “Pallati i Putinit”.
Autoritetet lokale në rajonin e Krasnodarit raportuan se rreth 100 ekipe emergjence luftuan me flakët e shkaktuara nga rënia e pjesëve të një droni nga ana e mbrojtjes ajrore ruse.
Dëmet përfshinin sipërfaqe të mëdha pyjore, ndërsa zjarri u përhap vetëm rreth 9 kilometra nga rezidenca mbretërore në Kepin Idokopas, afër Gelendzhikut, shkruajnë mediat e huaja.