Pas tensioneve në Iran, sulmohen hotelet luksoze të Dubait

Me tensionin në rritje në Iran, pamjet e verifikuara tregojnë momentin kur goditet hyrja e hotelit “Fairmont” në Dubai, shkruan BBC.

Pamjet e filmuara nga një ndërtesë përballë hotelit tregojnë momentin kritik të shpërthimit.

Personi që po filmon duket se bie në dysheme dhe largohet nga ballkoni.

Video të tjera të verifikuara tregojnë re të mëdha tymi që ngrihen mbi hotelin me pesë yje.

Pamje shtesë, të filmuara nga një automjet që lëviz ngadalë, tregojnë një zjarr të madh që digjet përpara hotelit në Palm Jumeirah, arkipelagun artificial të Dubait, i njohur për hotelet luksoze.