Gjenerali amerikan Dan Caine thotë se “operacionet amerikane do të mbeten aktive në të gjithë teatrin dhe në të gjithë globin”.
Kryetari i Shtabit të Përbashkët të Forcave të Armatosura shton se trupat amerikane “janë të pozicionuara jo vetëm për të ruajtur presionin, por edhe për t’u përgjigjur dhe për t’u përshtatur sipas nevojës”.
Forca e përbashkët e Amerikës ruan besueshmërinë, kapacitetin dhe fleksibilitetin për t’iu përgjigjur çdo situate të paparashikuar kudo në botë në çdo kohë.
Ai paralajmëron se ata “që do të testonin vendosmërinë tonë ose do të kërcënonin Shtetet e Bashkuara, aleatët ose interesat tona” duhet të kuptojnë se “ne mund t’ju arrijmë, ne mund ta vazhdojmë luftën dhe mund ta shkallëzojmë luftën dhe do të fitojmë”, shkruan Sky News, transmeton GazetaDemos.
