Ministri izraelit: Sulmet ndaj Iranit do të ‘përshkallëzohen ndjeshëm’ në ditët e ardhshme

Ministri i mbrojtjes i Izraelit Israel Katz ka thënë se sulmet izraelito-amerikane ndaj Iranit do të intensifikohen në ditët në vijim, raporton The Times of Israel .

“Këtë javë, intensiteti i sulmeve që Forcat e Mbrojtjes së Izraelit dhe ushtria amerikane do të kryejnë kundër regjimit terrorist iranian dhe infrastrukturës që ai përdor do të rritet ndjeshëm,” tha Israel Katz gjatë një vlerësimi me zyrtarë ushtarakë.

Izraeli është “i vendosur të vazhdojë ofensivën kundër regjimit terrorist iranian, të likuidojë komandantët e tij dhe të pengojë kapacitetet e tij strategjike” deri sa çdo kërcënim sigurie të eliminohet, shtoi ai.

Këto deklarata bien ndesh me ato të Donald Trumpit, i cili në përditësimin e fundit në Truth Social të mbrëmjes së kaluar tha se SHBA po konsideronte “të ulë” luftën me Iranin.