Mbi 60 emigrantë humbin jetën në brigjet e Jemenit pas përmbysjes së anijes

Më shumë se 60 emigrantë vdiqën kur një varkë që transportonte rreth 150 persona u fundos në brigjet e Jemenit për shkak të motit të keq të dielën.

Anija u përmbys në provincën jugore të Abyanit në Jemen dhe janë gjetur 68 trupa, tha për BBC-në shefi i Organizatës Ndërkombëtare për Migracionin (IOM) në Jemen. Ai tha se 12 persona ishin shpëtuar dhe dhjetëra të tjerë ende rezultojnë të zhdukur.

Shumica e viktimave besohet të jenë shtetas etiopianë, tha IOM.

Jemeni mbetet një rrugë kryesore për emigrantët nga Briri i Afrikës që udhëtojnë drejt shteteve arabe të Gjirit në kërkim të punës, me IOM që vlerëson se qindra kanë vdekur ose janë zhdukur në anije të mbytura në muajt e fundit.