Mbi 50 të plagosur nga shpërthimi në një xhami të Xhakartës

Mbi 50 persona janë plagosur në shpërthime gjatë namazit të së premtes në një xhami në Indonezi, ndërsa autoritetet identifikuan një student 17-vjeçar si autorin e dyshuar.

Incidenti ndodhi rreth orës 12:15 sipas orës lokale brenda një kompleksi shkollor që strehonte xhaminë në Kelapa Gading – një lagje në kryeqytetin Xhakarta, shkruan BBC.

Viktimat, kryesisht nxënës, pësuan një sërë lëndimesh, përfshirë djegie të rënda. I dyshuari u plagos gjithashtu, sipas shefit të policisë së Indonezisë, Listyo Sigit Prabowo.

Ai shtoi se një hetim për incidentin është duke u zhvilluar, “duke përfshirë mënyrën se si i dyshuari e mblodhi dhe e kreu sulmin”.