Mali i Zi mbyll sot dy kapituj të tjerë negociatash me BE-në

Mali i Zi do të mbyllë përkohësisht dy kapituj të tjerë negociatash sot, në Konferencën Ndërqeveritare me Bashkimin Evropian në Bruksel – 8 (Konkurrenca) dhe 29 (Bashkimi Doganor) – duke forcuar më tej pozicionin e tij si kandidati më i përparuar për anëtarësim në BE, me 18 nga 33 kapitujt në negociatat me BE-në të mbyllur.

Përpara konferencës së sotme, Ministri Irlandez për Çështjet Evropiane Thomas Byrne tha në rrjetin social X se ky është një sinjal i rëndësishëm për të gjitha vendet kandidate, duke e quajtur sot “Super Martën”.

Përveç mbylljes së kapitujve 8 dhe 29 nga Mali i Zi, grupi 6 pritet të hapet sot për Ukrainën dhe Moldavinë, dhe Shqipëria të mbyllë kapitujt 25, 26 dhe 30.

Byrne theksoi se ky do të jetë numri më i madh i konferencave ndërqeveritare mbi zgjerimin të mbajtura në një ditë që nga viti 2002.