Në një dokumentar personal të realizuar nga BBC-ja, Princesha e Uellsit, Kate Middleton, ka rrëfyer për ndikimin fizik dhe emocional që ka pasur diagnoza e saj me kancer.
Në dokumentarin 30-minutësh, ajo flet për rrugëtimin gjatë periudhës së sëmundjes, përballjen me trajtimet dhe procesin e shërimit.
“Kanceri të ndryshon, ta ndryshon trupin, të ndryshon fizikisht, por ka më shumë se aq. Ka një pjesë më të thellë që diagnoza e kancerit ndryshon brenda teje”, shprehet Kate në trailerin e dokumentarit.
Ajo përshkruan edhe procesin e rigjetjes së vetvetes dhe përshtatjen me jetën e përditshme pas përfundimit të trajtimeve, duke e cilësuar këtë përvojë si një rrugëtim me ndikim të thellë në jetën e saj.
