Irani dënon sulmet e SHBA-së si “shkelje të rëndë” të armëpushimit

Irani ka thënë se SHBA ka kryer një “shkelje të rëndë” të armëpushimit me sulme të reja ajrore që ka ndërmarrë në vend gjatë 48 orëve të fundit.

Komanda Qendrore e SHBA-së (Centcom) tha se janë shënjestruar raketa iraniane dhe anije që po përpiqeshin të vendosnin mina, në atë që e cilësoi si “sulme vetëmbrojtëse” në jug të Iranit të hënën.

Ministria e Jashtme e Iranit tha se SHBA mban përgjegjësi për pasojat e “veprimeve të saj agresive dhe të pajustifikuara” në rajonin Hormozgan, i cili ka dalje në ngushticën e Hormuzit – një rrugë detare kyçe që Irani e ka bllokuar, duke shkaktuar rritje të çmimeve të energjisë në botë, shkruan BBC.

Nuk është e qartë se çfarë ndikimi do të kenë këto sulme në bisedimet që synojnë përfundimin e konfliktit.

“I sigurt, Republika Islamike e Iranit nuk do të lërë asnjë të keqe pa përgjigje dhe nuk do të hezitojë të mbrojë kombin iranian”, thuhet në deklaratën e Iranit.

Megjithatë, Sekretari amerikan i Shtetit, Marco Rubio, tha se një marrëveshje nga bisedimet ende është e mundur, por se kjo do të “zgjasë disa ditë”.