Ishte zhdukur më 22 tetor, pasi ishte parë për herë të fundit në qendër të qytetit. Sot, të enjten më 15 janar, erdhi lajmi tragjik. Trupi i pajetë i Floresha Prengut, 35 vjeçe, banore në Trento, u gjet rreth 40 kilometra larg shtëpisë, përgjatë lumit Adige.
Trupi u njoh nga familjarët, të cilët deri në fund shpresuan për një përfundim tjetër. Floresha Prengu, me origjinë shqiptare dhe nënë e dy vajzave, ishte parë për herë të fundit në Trento më 22 tetor. Pas asaj dite, gjurmët e saj humbën.
Familjarët iu drejtuan menjëherë forcave të rendit dhe qytetarëve, duke kërkuar që çdo informacion apo sinjalizim. Në ditët pas zhdukjes u organizua një operacion i gjerë kërkimi në Trento përgjatë lumit Adige dhe një helikopteri për kontrolle nga ajri, por pa rezultate konkrete.