Ish-presidentin francez, Nicolas Sarkozy që pas hyrjes në burg ka qenë shënjestër e kërcënimeve nga të burgosurit e tjerë.
Pavarësisht masave të sigurisë të marra pas natës së tij të parë në burgun La Sante, video të reja po qarkullojnë në mediat sociale ku tregojnë të burgosurit duke bërtitur emrin e tij natën, duke e mallkuar dhe kërcënuar.
Një ditë më parë, tre të burgosur u morën në paraburgim pasi u publikua një video ku ata kërcënonin ish-presidentin. Zyra e prokurorit të Parisit konfirmoi se u sekuestruan dy telefona celularë dhe se ka nisur një hetim për kërcënimet ndaj jetës së Sarkozy.
Ministri francez i Drejtësisë, Gerald Darmanin i dënoi incidentet, duke theksuar se situata përbën një rrezik real për të burgosurin.
“Kjo video tregon se ekziston një rrezik për Presidentin Nicolas Sarkozy dhe se duhet t’i kushtohet vëmendje e veçantë kushteve të paraburgimit të tij”, tha ai.
Sarkozy, i cili shërbeu si president i Francës nga viti 2007 deri në vitin 2012, filloi të vuante një dënim me pesë vjet burg të martën, pasi u dënua për konspiracion për të mbledhur fonde për zgjedhjet nga Libia. Ish-presidenti është vënë nën mbrojtjen e dy oficerëve të armatosur të policisë gjatë burgimit të tij, një masë që ka shkaktuar protesta nga sindikatat e burgjeve.
🔴 INFO – #FaitsDivers : Nouvelle nuit agitée pour Nicolas #Sarkozy à la prison de la Santé à Paris. Malgré les gardes à vue de trois détenus, plusieurs prisonniers ont fait du vacarme pour l’empêcher de dormir. L’ex-président s’est plaint à son avocat : « Tous les prisonniers… pic.twitter.com/UG4oLN5cOh
