6 shtete të tjera evropiane njohin menjëherë Palestinën pas Francës, 4 në pritje

Macron bën thirrje për një administratë kalimtare në Gaza që përfshin Autoritetin Palestinez, i cili do të ngarkohet me mbikëqyrjen e shpërbërjes së Hamasit

Presidenti francez, Emmanuel Macron, ka njoftuar se iniciativës së Francës për të njohur një shtet të Palestinës i janë bashkuar edhe gjashtë vende të tjera.

Belgjika, Malta, Monako, Andorra, Luksemburgu dhe San Marino janë vendet e tjera evropiane, të cilat ndjekin shembullin e Francës. Teksa, më herët, Australia, Kanadaja dhe Mbretëria e Bashkuar njoftuan gjithashtu hapin e madh diplomatik.

Nga ana tjetër, Macron, gjatë fjalës së tij në OKB, njoftoi po ashtu se Spanja, Irlanda, Norvegjia dhe Suedia janë gati të njohin edhe ato Palestinën si shtet.

Macron bën thirrje për një administratë kalimtare në Gaza që përfshin Autoritetin Palestinez, i cili do të ngarkohet me mbikëqyrjen e shpërbërjes së Hamasit.

Ai thotë se Franca është gati të kontribuojë në një “mision stabilizimi” në Gaza, duke ngritur perspektivën e një pranie ndërkombëtare sigurie në territor.

Ai thotë se Franca do të hapë një ambasadë në një shtet palestinez vetëm kur të lirohen të gjithë pengjet që mbahen nga Hamasi dhe të jetë rënë dakord për një armëpushim.