Ilir Morina, Prokuror Special i Departamentit për Krime Lufte, ka thënë se janë vetëm katër prokurorë që po merren me hetimin e krimeve të luftës.
Në Info Magazine të Klan Kosovës, ai ka pohuar tutje se kanë një rritje të volumit të lëndëve që po pranojnë sa i përket të dyshuarve për krime lufte në Kosovë.
“Në momentin që është miratuar Strategjia për Krimet e Luftës nga ana e Këshillit Prokurorial të Kosovës, ju e dini që sistemin prokurorial e mbulon Këshilli janë bërë të gjitha vlerësimet dhe është ardhur në konkluzion se katër prokurorë në raport me statistikat dhe lëndët që i ka Prokuroria Speciale e Kosovës mjaftojnë, tani deri vonë e kemi pasur një njësi të Policisë së Kosovës e cila ka qenë shumë e vogël me forcimin e Policisë së Kosovës dhe rritjen e hetuesve është rritur edhe volumi i lëndëve që ne i pranojmë në baza ditore dhe javore”.
“Në momentin që marrim një vlerësim të pranimit të numrit të lëndëve dhe e shohim se po rritet numri i lëndëve atëherë besoj se edhe menaxhmenti i sistemit prokurorial që është Këshilli ose kryeprokurori i shtetit do ta vlerësojë nëse ka nevojë për rritje të numrit”, ka thënë Morina.