Milicitë e mbështetura nga Irani gati për të sulmuar bazat amerikane

Zyrtarët ushtarakë dhe të Inteligjencës amerikane kanë zbuluar shenja se milicitë e mbështetura nga Irani po përgatiten të nisin sulme me dronë dhe raketa ndaj bazave amerikane në Irak dhe ndoshta në Siri, në hakmarrje për sulmet e mbrëmshme të SHBA-ve kundër objekteve bërthamore në Iran.

Por deri më tani grupet janë tërhequr, me zyrtarët irakianë që punojnë shumë për të dekurajuar veprimet e milicisë.

Kështu ka bërë me dije një zyrtar amerikan për të përditshmen amerikane New York Times.

Lajmi është përcjellë edhe nga media e Katarit, Al Jazeera, duke përmendur të njëjtat burime. Pavarësisht kësaj, nuk duket aktualisht se do të ketë një sulm iminent ndaj bazave amerikane.

Ai, nëse vjen, do të vijë më vonë, sipas ekspertëve.