Irani i kërkon ndihmë Këshillit të Sigurimit të OKB-së për sulmet e Izraelit ndaj objekteve bërthamore

Irani ka kërkuar veprim të menjëhershëm nga Këshilli i Sigurimit i Kombeve të Bashkuara pas asaj që e cilëson si “sulme të qëllimshme të regjimit izraelit” ndaj objekteve të tij bërthamore, duke paralajmëruar se agresioni i vazhdueshëm rrezikon sigurinë globale.

Në një letër të publikuar nga agjencia shtetërore iraniane IRNA dhe drejtuar Sekretarit të Përgjithshëm të OKB-së António Guterres dhe Këshillit të Sigurimit, ambasadori i Iranit në OKB, Amir Saeid Iravani, akuzoi Izraelin për shkelje të së drejtës ndërkombëtare dhe përmendi “Rezolutën 487 (1981) të KS-OKB-së”, e cila e dënonte sulmin e Izraelit ndaj reaktorit Osirak në Irak në vitin 1981.

“Zyrtarët izraelitë që kërcënojnë se do të kryejnë sulme të tjera kundër objekteve bërthamore paqësore të Iranit përbëjnë një kërcënim serioz dhe në rritje për paqen dhe sigurinë ndërkombëtare dhe kërkojnë veprim të menjëhershëm nga Këshilli i Sigurimit”,thuhet në letrën e Iravanit