Kryetarja e Parlamentit Europian, Roberta Metsola, pas nënshkrimit të dokumentit për liberalizimin e vizave për Kosovën, tha se ky është një moment krenarie që më në fund iu dha drita e gjelbër kosovarëve për të udhëtuar lirshëm në BE.
“E nënshkruar, e vulosur, e dorëzuar. Moment krenarie për Parlamentin Europian pasi sot dhamë dritën jeshile përfundimtare për liberalizimin e vizave me Kosovën. Kjo do ta bëjë jetën më të lehtë për popullin e Kosovës – të udhëtojë, të bëjë biznes, të thellojë lidhjen me europianët”, ka shkuar Metsola, duke publikuar disa fotografi nga ceremonia e nënshkrimit.
Signed, sealed, delivered.
— Roberta Metsola (@EP_President) April 19, 2023
Proud moment for @Europarl_EN as today we gave our final green light for visa liberalisation with Kosovo.
This will make life easier for the people of Kosovo – to travel, to do business, to deepen the bond with fellow Europeans. pic.twitter.com/cZVx5eZ8QU
Sot në Strasburg është nënshkruar zyrtarisht ligji për liberalizimin e vizave të Kosovës. Në këtë ceremoni ishte edhe ministrja suedeze e BE-së që përfaqëson presidencën e Këshillit të BE-së, Jessika Roswall. Po ashtu, të ftuar ishin edhe kryetari i LIBE, Juan Fernando López Aguilar dhe raportuesi për vizat e Kosovës, eurodeputeti Thijs Reuten.