Gjon Karrica pas një problemi shëndetësor është larguar nga shtëpia e Big Brother, për të marrë kujdes mjekësor.
Gjendja e tij është stabile, ka thënë drejtori i Klan Kosovës, Adriatik Kelmendi përmes një postimi në facebook.
“Banori i Big Brother VIP Kosova, Gjon Karrica, i njohur si Lugati, sot në mëngjes ka pasur një shqetësim shëndetësor, për të cilin menjëherë i është ofruar ndihma profesionale mjekësore dhe tash është në gjendje stabile”, ka shkruar Kelmendi.
Karrica vazhdon të jetë nën mbikëqyrje të mjekëve dhe momentalisht nuk ka shqetësime.