Mefail Bajqinovci thotë se Albin Kurti Fatmir Limajt mund t’i japë ministri, jo postin e Kryeparlamenarit 

Deputeti i VV’së, Mefail Bajqinovci ka thënë se nëse bëhet koalicion me Nismën, atëherë kryetarit të kësaj partie, Fatmir Limajt mund t’i jepet ndonjë ministri, por jo postin e kryeparlamentarit.

Bajqinovci thotë se puna e kryeparlamentarit ka marrë fund në momentin kur është propozuar Albulena Haxhiu.

Ai thekson se kryeparlamentari i takon VV’së.

”Unë momentin që Haxhiu ka dalë në propozim unë mendoj që kjo punë vec ka marrë fund. Një koalicion me Limaj, nëse bëhet, tash nuk e di, mund të jetë ndarja ndoshta e çështjeve të pozitave të ministrave, e jo të kryetarit të Kuvendit, sepse ajo na takon neve edhe me Kushtetutë”, tha ai në Kanal10.