U quajtën budallaqe, por vetë ‘Miss Meksiko’ e zbulon arsyen!

Pas incidentit të bujshëm në Miss Universe 2025, ku drejtuesi i garës, Nawat Itsaragrisil, e ofendoi publikisht duke e quajtur “budallaqe”, Miss Meksika, Fátima Bosch, ka reaguar me një mesazh të fuqishëm dhe emocional që po shpërndahet me shpejtësi në rrjete sociale.

Në një video të publikuar pas ngjarjes, Bosch tha se ka respekt të madh për Tajlandën dhe popullin e saj, por theksoi se mënyra se si u trajtua nga drejtori ishte e papranueshme.

“Ju e dini që si vend, keni gjithë respektin tim. E dua Tajlandën dhe mendoj se jeni njerëz të mrekullueshëm. Por ajo që bëri drejtori juaj nuk ishte respektuese. Ai më quajti ‘budallaqe’ sepse kishte probleme me organizimin. Kjo nuk është e drejtë, sepse unë s’kam bërë asgjë gabim. Unë përpiqem të jem e sjellshme, jap më të mirën time.”

Ajo shtoi me vendosmëri se asnjë grua nuk duhet të heshtë përballë mungesës së respektit:

“Bota duhet ta shohë këtë, sepse ne jemi gra të fuqizuara dhe kjo është një platformë për zërin tonë. Askush nuk mund ta heshtë zërin tonë, dhe askush nuk do ta bëjë këtë me mua.”

Fátima Bosch përfundoi fjalën e saj me një thirrje frymëzuese për gratë në mbarë botën:

“Nuk ka rëndësi nëse keni një ëndërr të madhe apo një kurorë, nëse dikush përpiqet t’ju marrë dinjitetin, duhet të flisni. Faleminderit.”

Ky reagim ka ngjallur valë mbështetjeje në internet, me mijëra komente në mbrojtje të saj dhe kërkesa për që organizata Miss Universe të marrë masa ndaj ofendimit publik. /Prive By Liberta Spahiu