Shkurte Gashi është bërë gati për një tjetër dasmë, por këtë herë bëhet fjalë për një prej emrave më të njohur të estradës.
Këngëtarja ka mbërritur në Romë, ku nesër, më 1 shtator, Kida dhe Ajbi do të kurorëzojnë dashurinë e tyre me dasmë.
“Gati për nesër”, ka shkruar Shkurta nga kryeqyteti italian, duke etiketuar Kidën dhe Ajbin, ndërsa pamjet i ka shoqëruar pikërisht me një këngë të Kidës.
E kur në një dasmë është Shkurte Gashi, atmosfera vështirë se mund të mungojë. Këngëtarja njihet prej vitesh për repertorin dhe energjinë në ahengje, ndaj prania e saj në festën e Kidës premton një natë të veçantë.
