Sot në shtëpinë e BBVA ka fluturuar një nga dronët më emocionues. Daja i Brikenës i ka dërguar një mesazh qartë, ku i shkruan se e ka krah gjithmonë dhe i fton që pas fitores të pinë një kafe të tre, bashkë me Mateon.
“Dajën e ke pas teje gjithmonë. Me festu fitoren e të dyve kemi me pi kafe bashkë me Mateon. Daja të don shumë,” ishin fjalët e shkruara në dron që emocionuan Brikenën.
Ky mesazh merr një rëndësi të jashtëzakonshme për çiftin. Kujtojmë se muaj më parë, Mateo zbuloi një detaj të paditur në marrëdhënien mes dyshes: plot 4 vite më parë, kur ata ishin duke u njohur, daja i Brikenës ishte njëri ndër personat që ndërhyri në raportin mes dyshes.
Duket se koha, maturimi dhe dashuria e tyre e vërtetë brenda shtëpisë kanë fshirë çdo pengesë të së shkuarës. Daja i ka dhënë zyrtarisht “bekimin” e tij lidhjes, duke vërtetuar se ndjenjat e forta triumfojnë gjithmonë!
