Si do ta quajnë vajzën? Ana zbulon një detaj nga emri që kanë zgjedhur

Ana Ejupi ka tërhequr sërish vëmendjen e ndjekësve me një publikim të fundit në TikTok, i cili ka ngritur dyshime se ajo dhe partneri i saj, Kevin Edmond, mund ta kenë vendosur tashmë emrin e vajzës së tyre.

Ish-banorja e “Big Brother VIP Kosova 3” ndau një video, mbishkrimi i së cilës u bë shkak për spekulime rreth emrit që çifti mund të ketë zgjedhur për vogëlushen që pritet të vijë në jetë.

Detaji që nuk kaloi pa u vënë re ishte shkronja E, e cila duket se mund të jetë inicialja e emrit të vajzës. Megjithatë, Ana dhe Kevini nuk kanë konfirmuar ende nëse kjo shkronjë lidhet vërtet me emrin e përzgjedhur, duke lënë gjithçka në kuadrin e aludimeve.

Lidhja e çiftit nisi gjatë qëndrimit të tyre në shtëpinë e “Big Brother VIP Kosova 3”, ndërsa marrëdhënia e tyre tashmë po hyn në një kapitull të ri, atë të prindërimit.

Në fund të gushtit, dyshja ndau me publikun lajmin e ëmbël se janë në pritje të një vajze. Përmes një postimi të përbashkët, ata shprehën emocionet e tyre me fjalët: “Çfarë bekimi”.

Derisa afrohet momenti i ardhjes në jetë të vogëlushes, mbetet të shihet nëse Ana dhe Kevini do ta zbulojnë së shpejti emrin e saj apo do të zgjedhin ta ruajnë këtë detaj si një surprizë për ndjekësit.