Operacion i madh kundër drogës në Turqi, arrestohen këngëtarë e aktorë të njohur

Në një operacion të gjerë kundër drogës të kryer nga ekipet e xhandarmërisë në Stamboll, janë arrestuar këngëtarë dhe aktorë të njohur turk.

Në kuadër të hetimit të zhvilluar nga Zyra e Prokurorisë së Stambollit për Krime të Kontrabandës, Narkotikëve dhe Krimeve Ekonomike, është organizuar një operacion ndaj disa personave të njohur për publikun, ndaj të cilëve është nisur një procedurë për përdorim të lëndëve narkotike ose substancave stimuluese.

19 persona janë dërguar në Komandën e Xhandarmërisë së Provincës për të dhënë deklaratat dhe për të marrë mostrat e gjakut. Është bërë e ditur se nuk ka urdhër ndalimi për asnjë nga personat e njohur dhe se ata do të lirohen pas marrjes së deklaratave dhe mostrave të gjakut.

Personat e famshëm nga të cilët do të merren deklaratat dhe mostrat e gjakut janë si më poshtë:

Birce Akalay, Berrak Tüzünataç, Ceren Moray Orcan, Demet Evgar Babataş, Deren Talu, Derin Talu, Dilan Polat, Duygu Özaslan Mutaf, Engin Polat, Feyza Altun, Hadise Açıkgöz, İrem Derici, Kaan Yıldırım, Kubilay Aka, Metin Akdülger, Özge Özpirinçci, Zeynep Meriç Aral Keskin, Ziynet Sali.