Familjarët e Jonës kanë publikuar një tjetër postim të Doresës, të cilin kjo e fundit dyshohet se e kishte bërë për Jonën para disa vitesh.
Ata kanë shpërndarë në llogarinë e banores së BBVK-së një screenshot që duket se tregon një postim të bërë nga influencerja në rrjetin social Snapchat.
“Kush don me e pa Fajtonën të zhveshur apo videon e saj??? Bëni screenshot”, thuhet se kishte shkruar asokohe Doresa.
Postimi ishte publikuar në gjuhën gjermane në Snapchat, por, për hir të transparencës, familjarët e Jonës e kanë përkthyer atë për ndjekësit.
Ky është vetëm njëri nga postimet e shumta që familjarët kanë publikuar së fundmi në InstaStory, ku duket se paraqiten komente dhe deklarata të ndryshme që influencerja Doresa kishte bërë para disa vitesh.
Këto postime ishin përfolur prej kohësh në internet, por vetëm së fundmi u publikuan nga profili zyrtar i Jonës.
Banorja e BBVK-së i kishte folur për këto postime edhe gjatë përballjes me Doresën të premten në Big Brother VIP Kosova.
Ajo gjithashtu deklaroi se do të ishte e gatshme të kërkonte falje vetëm nëse edhe influencerja do të bënte të njëjtën gjë, për shkak të veprimeve të saj të mëparshme.
