Vetëm pak orë pasi Leo publikoi projektin e tij të ri “Ex”, një këngë që shumëkush e lexoi si reflektim të ndarjes nga partnerja e tij Lela, ka ardhur reagimi i menjëhershëm dhe i drejtpërdrejtë i saj.
Në një Instastory, ish-banorja e BBVK3 shkruan: “Artisti mund të shkruajë çfarë të dojë, por realiteti s’është këngë. Unë nuk jam inspirim për askënd. Historia ka marrë fund. Nëse ke nevojë për frymëzim, gjeje diku tjetër. S’jam më refren në jetën tënde.”
Postimi është interpretuar si një përgjigje e qartë ndaj këngës “Ex”, ku Leonardo shpreh zhgënjim dhe dhimbje pas një ndarjeje që, sipas vargjeve, nuk ka qenë në dorën e tij. Kënga është publikuar sonte në të gjitha platformat digjitale dhe ka ngjallur menjëherë reagime të shumta në rrjete sociale.
Me këtë reagim të ashpër, duket se Lela ka dashur ta mbyllë përfundimisht çdo hamendësim për marrëdhënien e tyre, duke vënë një pikë të fortë mbi një histori që, sipas saj, “ka marrë fund”, sidomos në kontekstin e plot dyshimeve në rrjet që gjithçka mund të ketë qenë e stisur në funksion të zhurmës për këtë këngë/Prive
