Genc Prelvukaj bëhet doktor i shkencave në fushën e historisë

Këngëtari dhe publicisti shqiptar, Genc Prelvukaj, ka arritur një sukses të rëndësishëm akademik, duke marrë titullin Doktor i Shkencave në fushën e Historisë, në Universitetin e Zagrebit.

Lajmin e ka bërë të ditur vetë Prelvukaj përmes një postimi në rrjetet sociale, ku njoftoi se më 5 nëntor 2026 ka mbrojtur me sukses temën e doktoraturës me titull: “Komponenta Shqiptare në etnohistorinë malazeze në kohët paramoderne XIII-XVIII”.

Mbrojtja e doktoraturës u zhvillua para komisionit të përbërë nga Izv. Prof. dr. Sc. Vlatka Vukelić, Prof. dr. Sc. Tomislav Galović dhe Nasl. Prof. dr. Sc. Željko Holevac, nën mentorimin e Akademik Stjepan Ćosić.

Ky sukses shënon një arritje të rëndësishme në rrugëtimin e tij akademik, krahas angazhimit në muzikë dhe krijimtari.