Këngëtarja e njohur shqiptare, Dafina Zeqiri, ka ndarë me ndjekësit një moment shumë të veçantë nga jeta e saj personale. Ajo ka publikuar për herë të parë një imazh ku zbulon pjesërisht fytyrën e djalit të saj, duke emocionuar fansat.
Krahas fotos, Dafina ka shkruar: “Djali im, buzëqeshja jote është mrekullia ime e përditshme.”
Prej kur është bërë nënë, Dafina ka ndarë me ndjekësit copëza të vogla nga përditshmëria e saj, por kjo është hera e parë që publikon një imazh kaq të afërt me të birin. Ajo dhe bashkëshorti i saj, Kreshnik Gjergjaj, u bënë prindër pak muaj pas martesës së tyre.
Duket se jeta si nënë i ka sjellë një dimension të ri lumturie këngëtares, e cila njihet për suksesin e saj ndër vite në skenën muzikore shqiptare.
