Bebe Rexha ka rikthyer vëmendjen e publikut shqiptar pas publikimit të një videoje nga studioja e regjistrimit në TikTok, ku dëgjohet një fragment i këngës së saj të re – në gjuhën shqipe.
Ky projekt shënon një hap të ri për këngëtaren me famë ndërkombëtare, e cila deri tani është identifikuar kryesisht me hite në gjuhën angleze. Kthimi drejt gjuhës amtare po shihet si një mënyrë për të nderuar rrënjët e saj dhe për t’i dhënë publikut shqiptar një surprizë të shumëpritur.
Edhe pse detajet e plota nuk janë zbuluar, fragmenti i shkurtër ka shkaktuar reagime të shumta në rrjetet sociale, duke rritur pritshmëritë për publikimin e këngës së re.