”Ma hoqën kafkën, e mbajta në bark”, rrëfimi rrëqethës i 27 vjeçarit që u lëndua në vendin e punës

Bledar Shijaku tregon fragmentin e fundit që i kujtohet natën e 21 majit të 2022, kur iu ngul në kokë një shufër metalike prej 4 metrash.

Shufra i piku nga qielli në fund të orarit, kur po bëhej gati për të shkuar në shtëpi.

Pas kësaj, atij ende si në mjegull i vijnë në vesh sirenat e autoambulancës dhe zhurma e karrocës që bënte bartjen e tij nga një repart në tjetrin, lëvizje këto që ia shtonin dhimbjen e kokës që po ndjente ato momente.

Pas një muaji në spital, Bledari u kthye në shtëpi, mirëpo gjendja e tij nuk ishte e mirë.

Ai iu nënshtrua një operacioni në të cilin sipas tij, iu largua kafka e iu mbajt në bark për disa kohë.

Pasojat që ia ka lënë aksidenti, Bledari thotë se ia ndryshuan gjithë rrjedhën e jetës.

27-vjeçari tani ka udhëtuar për në Itali, me shpresën që do mund të gjejë kurën për pasojat shëndetësore që i la ai aksident.

Mirëpo kontrollet tek mjekët italianë, Bledari nuk po mund të i fillojë pa siguruar dokumentet si rezident.

E si turist siç po qëndron tani, po i duhet të paguajë shuma të mëdha parash të cilat thotë se nuk është në gjendje të i sigurojë. /KlanKosova/