Limaj: Qytetari të ndëshkojë politikanët e papërgjegjshëm që s’marrin përgjegjësitë që iu takojnë

Kreu i Nismës Socialdemokrate, Fatmir Limaj, ka akuzuar liderët politikë për mungesë përgjegjësie. Ai ka bërë thirrje që krerët politike të ulen dhe arrijnë një marrëveshje për formimin e institucioneve.

Limaj u shpreh se aktualisht në skenën politike po mungon serioziteti dhe reflektimi që kërkon momenti, teksa foli edhe për deklaratën e presidentin amerikan, Donald Trump, dy ditë më pareë.

Ai shtoi se Kosova ka nevojë për udhëheqës që marrin përgjegjësi dhe janë në gjendje të parashikojnë rrjedhat politike në nivel ndërkombëtar, duke paralajmëruar se mungesa e një vizioni të tillë mund të ketë pasoja serioze për vendin.

“As tash, atëherë as tash nuk janë duke i kuptuar mesazhet dhe zhvillimet që po ndodhin nëpër botë. Kemi dëgjuar se flasin për zgjedhje, për kalkulime të çuditshme politike. Shpresoj që qytetari është duke dëgjuar. Shpresoj që ata do të reflektojnë dhe do t’i ndëshkojnë të gjithë të papërgjegjshmit që nuk janë në gjendje të marrin përgjegjësitë që u takojnë. Kjo mund t’i kushtojë Kosovës. Po e shihni se çka po ndodh në botë. Ne si drejtues duhet të parashikojmë gjërat. Ata politikanë që nuk parashikojnë nuk nuhasin zhvillime politike, ata janë politikanë mahalle. Leni egot perspnale, uluni dhe formoni institucionet përmes një marrëveshje politike. Uluni dhe përmbusheni obligimin që ua ka dhënë qytetarëve”, tha Limaj para mediave.