Ish-ministri i Shëndetësisë, Rifat Latifi ka treguar se ka dhënë dorehqje nga posti i të parit të këtij dikasteri, për siq ka thënë ai, do të kontribuojë më shumë jashtë politikës, shkruan GazetaDemos.
Ai ka thënë se pas një viti në postin e ministrit, ka kuptuar se do t’i japë më shumë vendit duke qenë “jashtë kafazit dhe teatrit politik”.
“Kjo pjesë e jetës sime do të jetë një nga më të ndriturat dhe më të rëndësishmet e jetës sime akademike, kombëtare dhe njerëzore. Më pak se një vit më vonë, me shumë dhembje dhe zhgënjim të pa imagjinuar dhashë dorëheqje, ngase kuptova qartë se unë mund të kontribuoj shumë më tepër ‘jashtë kafazit dhe TEATRIT POLITIK’”, ka shkruar në letër Latifi.
Ndryshe, ai ka folur edhe mbi kohën sa ishte duke punuar në Shtetet e Bashkuara të Amerikës, për çka ka thënë se çdoherë e kishte në zemër Kosovën.
“Sikurse të gjithë ju në botë, pra jashtë Kosovës, edhe unë tash e më shumë se 30 vjet kam jetuar dy jetë, atë profesionale në SHBA, përderisa gjithmonë në mendje kam qenë dhe jam në Kosovë. Në nëntor të vitit 2021 ndërpreva të gjitha gjërat që kisha ndërtuar me vite në SHBA, si Kryeshef dhe Drejtor i Kirurgjisë në gjithë rrjetin e 10 spitaleve në Ëestchester, Neë York, dhe me vullnet e dëshirë shumë të madhe pranova ftesën t’i shërbej vendit dhe qytetarëve të Kosovës”, ka shkruar Latifi.
Ai i ka bërë thirrje mjekëve jashtë vendit, duke thënë se Kosova ka nevojë për ta.