Zyra për Mbrojtje dhe Ndihmë të Viktimave trajtoi 44 raste për një javë

Gjatë periudhës 22 gusht deri më 29 gusht 2025, në Zyrën për Mbrojtje dhe Ndihmë Viktimave, e cila funksionon në kuadër të Zyrës së Kryeprokurorit të Shtetit, mbrojtësit e viktimave në nivel të Republikës së Kosovës kanë trajtuar gjithsej 44 raste të reja të paraqitura.

Sipas njoftimit të leshur për media, rastet kanë të bëjnë me:

-40 raste, Dhunë në Familje;

-2 raste, Dhunim;

-1 rast, Vrasje e rëndë në tentativë, dhe

-1 rast, Tentim dhunim.

Po në këtë periudhë u realizuan 18 kërkesa për urdhërmbrojtje të parashtruara në gjykatë.

Kërkesat kanë të bëjnë:

-18 Kërkesa për Urdhër mbrojtje (KUM) të parashtruara në Gjykatë;

-12 Kërkesa për Urdhër mbrojtje Emergjente (KUME);

-2 Kërkesë për ndërprerje të UM nga pala.

Po ashtu 18 aktvendime u aprovuan, derisa dy të tjerë u tërhoqën, transmeton Klankosova.tv.

U mbajtën po ashtu 57 seanca gjyqësore, 13 seanca në Prokurori, 55 këshilla juridike, 3 aktgjykime dënuese, 5 vendime për kompensimin e viktimave, 1 kërkesë për kompensim nga fondi për viktima, 3 përfaqësime të rastit në polici, dhe një përfaqësim i rastit në strehimore.