Zjarre në Podujevë, digjet sipërfaqe e madhe me pisha – detaje jep Bulliqi

Lajmin e ka bërë të ditur kryetari i kësaj komune, Shpejtim Bulliqi, i cili tha se është djegur një sipërfaqe e konsiderueshme me pisha.

“Brigada e zjarrfikësve së bashku me Policinë e Kosovës janë në terren dhe po angazhohen me kapacitet të plotë për lokalizimin dhe shuarjen e zjarrit”, tha ai.

Tutje, Bulliqi u bëri thirrje qytetarëve që të tregojnë kujdes të shtuar dhe të mos ndezin zjarre në ambiente të hapura.

“Ndaj personave që shkaktojnë zjarrvënie të qëllimshme do të ndërmerren masa ligjore dhe do të gjobiten konform ligjit”, tha ai.