Ymeri- Mërgimtarëve: Veç 3 muaj ejani e jetoni në Kosovë dhe i shihni gënjeshtrat e Albinit

Ekspertja e Energjisë, Janina Ymeri ka thënë se nesër më 28 Nëntor Kosova furnizohet me energji elektrike nga kompania Vuk Hamoviq.

Në emisionin “Rubikon” në Klan Kosova, ajo ka theksuar se thuhet se Kosova nuk furnizohet me energji elektrike nga Serbia, por shton se ky shtet figuron në Doganë.

“Nesër si edhe shumë ditëve tjera rryma vjen nga Mali i Zi dhe Maqedonia e Veriut shumicën e herëve për shkak se me Serbinë nuk kemi shkëmbime tregtare, thuhet që nuk kemi në fakt në Doganë figuron edhe Serbia. Nesër më 28 Nëntor rryma vjen prapë nga Vuk Hamoviq ose kompania e tij “EFTE””, tha Ymeri.

Më tej ajo tha se Kurti po mundohet ta armiqësoj mërgatën me partitë tjera politike në vend.

“Mërgimtarë, veç 3 muaj ejani e jetoni në Kosovë dhe i shihni gënjeshtrat e Albinit, sa e vështirë është jeta dhe sa mungesë punësimi ka. Diaspora e mban këtë vend, por VV po tenton t’ju armiqësojë me partitë tjera për qëllime politike”.