GazetaDemos ka raportuar sot për një ngjarje të rëndë të ndodhur në oborrin e një stani në Strellc të Deçani, atje ku një person ka mbetur i vrarë. Vdekja e tij dyshohet të jetë shkaktuar pas plagëve të marra nga djali i tij.
E gjithë ngjarja sipas burimeve të GazetësDemos, bazuar në informacionet e para, dyshohet se ka ndodhur aksidentalisht në Bjeshkët e Strellcit.
Rastin e ka konfirmuar edhe zëdhënësi i Policisë së Kosovës për rajonin e Pejës, Driton Rugova.
“Me datën 23.07, rreth orës 13 e 42 minuta, kemi pranuar informata që në oborrin e një stani është një person i vrarë. Dyshohet për vrasje aksidentale dhe mes familjrëve. Është sekuestruar një armë e zjarrit dhe njësitet janë në vendin e ngjarjes.”, ka thënë Rugova.
Zëdhënësi i Prokurorisë në Pejë, Shkodran Nikçi tha për Gazetën Demos, se në vendin e ngjarjes ka dalë prokurori i shtetit, dhe se po ndërmarrin të gjitha veprimet e nevojshme.
“Prokurori i shtetit dhe gjitha njesitet relevante policore jane ne vendin e ngjarjes duke ndermarre veprimet e nevojshme”, tha ai.
