Vokshi Nallbani viziton Nënën Xufe: Përulem me respekt para sakrificës së familjeve të dëshmorëve

Kandidatja e PDK-së për kryetare të Pejës, Arta Vokshi Nallbani, ka vizituar sot Nënën Xufe. një simbol i gjallë i sakrificës për lirinë e Kosovës, e cila ka dhënë dy bij për atdheun: një dëshmor dhe një veteran të Ushtrisë Çlirimtare të Kosovës.

Gjatë vizitës, Vokshi Nallbani shprehu mirënjohje dhe respekt të thellë për familjen, duke e cilësuar Nënën Xufe si shembull të qëndresës dhe krenarisë kombëtare.

”Para sakrificës së familjeve të dëshmorëve përulem me respektin më të madh.

Nana Xufe, një nënë, që ka dhënë dy bij për lirinë e Kosovës – njërin dëshmor e tjetrin veteran – është shembulli i gjallë i qëndresës dhe krenarisë sonë kombëtare.

Mirënjohja jonë për ta është e përjetshme, por mbi të gjitha është obligim i yni që këtë mirënjohje ta kthejmë në mbështetje të vazhdueshme.

Liria e Pejës dhe e Kosovës është e shkruar me gjakun e dëshmorëve dhe sakrificën e familjeve të tyre.

Unë do të jem gjithmonë pranë jush – me zemër, me mbështetje e përkushtim për ju.”, tha Vokshi-Nallbani.