Vokshi Nallbani takohet të moshuarit në ditën ndërkombëtare: Krenari për sakrificat që kanë bërë

Në Ditën Ndërkombëtare të të Moshuarve, Arta Vokshi Nallbani, kandidate për Kryetare të Pejës nga PDK , ka organizuar një aktivitet për të nderuar brezin e moshuar, të cilët me punë, sakrificë dhe përkushtim kanë ndërtuar themelet e shoqërisë sonë.

Në këtë ngjarje, Vokshi Nallbani ka shprehur shqetësimin për largimin e të rinjve nga vendi, një fenomen që po e ndikon rëndë zhvillimin e ardhshëm të Kosovës.

I plotë:

Sot, në Ditën Ndërkombëtare të të Moshuarve, bashkë me disa nga ata, që me punë, sakrificë e përkushtim ndërtuan themelet mbi të cilat qëndrojmë sot.

Mes bisedave tona ndjeva edhe shqetësimin e tyre më të madh: largimin e të rinjve nga vendi. Një dhimbje që e mbajnë në zemër, sepse e dinë sa shumë mund dhe dashuri kanë dhënë për këtë tokë.

Por, mbi gjithçka, pashë krenarinë e tyre. Krenari për sakrificat që kanë bërë, për punën e ndershme, për jetën që nuk ka qenë gjithmonë e lehtë, por gjithmonë e mbushur me dinjitet.

Këta njerëz na mësojnë çdo ditë se sa e rëndësishme është të mos harrojmë rrënjët, vlerat dhe të kujdesemi për njëri-tjetrin.