Vokshi-Nabllani: Do të ndërtoj përkrahje të fortë për fabrikat në Pejë, sepse aty është e ardhmja jonë

Kandidatja e PDK-së për kryetare të komunës së Pejës, Arta Vokshi Nallbani sot, bashkë me kandidatin tonë për Asamble Komunale, Naser Hajrizin, vizituan fabrikën për përpunimin e kartonit “Big Pack”, në Loxhë.

Nabllani tha se kjo fabrikë është një shembull i qartë se si Peja ka potencial të madh ekonomik, por që ky potencial ende nuk është mbështetur sa duhet nga institucionet lokale.

Ajo gjithashtu shtoi se punëtorët e Pejës kanë nevojë për kushte më të mira, përkrahje konkrete dhe një qeverisje, që qëndron në krah të tyre.

“Unë besoj se të ardhmen e Pejës duhet ta ndërtojmë mbi tri shtylla kryesore:

●Mbështetja e prodhuesve dhe fabrikave lokale për të zgjeruar veprimtarinë e tyre.

●Krijimi i vendeve të reja të punës për të rinjtë, që ata të mos detyrohen të largohen nga qyteti ynë.

●Partneritet i sinqertë mes komunës dhe biznesit lokal, për ta bërë Pejën një qytet të zhvilluar dhe konkurrues”, tha Nabllani.

Në fund, kandidatja e PDK-së u zotua se si kryetare e Pejës, do të ndërtojë politika, që u japin përkrahje të fortë fabrikave në këtë qytet, pasi siç tha ajo aty është e ardhmja e këtij qyteti.