Presidentja e Kosovës, Vjosa Osmani është pyetur nga mediumi amerikan “Newsëeek”, nëse do ta nominonte presidentin amerikan Donald Trump për çmimin Nobel për Paqe.
Osmani ka thnëë se Po, nëse është presidente e Kosovës.
Në këtë artikull, tregohet në mënyrë kronologjike rrugëtimi i Kosovës drejt pavarësisë.
Osmani ka thënë se presidneti amerikan ka dhënë kontribut të madh në paqen e Ballkanit Perëndimor, duke shtuar se e meriton çmimin.
Pjesa nga ky artikull:
Presidentja e Kosovës, Vjosa Osmani-Sadriu, ka thënë se Presidenti Donald Trump e meriton Çmimin Nobel të Paqes të ardhshëm.
Kur u pyet nga Newsweek të mërkurën nëse do ta nominonte Trumpin për këtë çmim prestigjioz, Osmani u përgjigj: “Sigurisht, nëse unë jam presidente [kurdo që të ndodhin] këto gjëra”.
Vetëm disa njerëz mund të paraqesin nominime për Çmimin Nobel të Paqes vjetor dhe nominimet mbyllen në fund të janarit. Krerët e shteteve janë ndër ata që mund të paraqesin një kandidat dhe fituesi i ardhshëm do të shpallet në tetor.
Trump ka kërkuar prej kohësh dhe publikisht një Çmimi Nobel për Paqen, duke e quajtur veten “krye-paqebërës”. Republikani ka pretenduar se ka arritur marrëveshje që i japin fund konflikteve në të gjithë globin, megjithëse vëzhguesit vënë në dyshim se sa luftëra ka ndaluar ai vërtet.
Osmani-Sadriu, duke folur nga Samiti i Qeverive Botërore në Dubai, Emiratet e Bashkuara Arabe, e përshkroi popullsinë e Kosovës si “populli më pro-amerikan në botë” dhe “shumë, shumë mirënjohëse për çdo administratë të Shteteve të Bashkuara të Amerikës”.
SHBA-të udhëhoqën një fushatë bombardimi të NATO-s ndaj Serbisë për 78 ditë në vitin 1999, vetëm pak vjet pas shpërbërjes së ish-Jugosllavisë. Ish-Presidenti serb Slobodan Millosheviç ia hoqi territorit kryesisht etnikisht shqiptar të Kosovës statusin e tij si një provincë vetëqeverisëse në vitin 1989. Protestat u shndërruan në dhunë dhe më shumë se një çerek milioni njerëz u vranë midis viteve 1989 dhe 1995, sipas shifrave ushtarake amerikane.
Luftëtarët e armatosur të Ushtrisë Çlirimtare të Kosovës u përleshën me forcat serbe për vite me radhë, por Lufta e Kosovës klasifikohet zyrtarisht si gjakderdhja midis viteve 1998 dhe 1999.
Një shtypje brutale nga Beogradi rezultoi në një krizë refugjatësh, atë që NATO e ka përshkruar si një “katastrofë humanitare” dhe spastrim etnik të shqiptarëve të Kosovës.