Ambasada e Shteteve të Bashkuara në Kosovë ka përmbledhur vizitën e senatores amerikane Joni Ernst në Kosovë, duke theksuar se ajo ka shërbyer për t’u njohur nga afër me zhvillimet aktuale në vend.
Gjatë vizitës, Joni Ernst ka përmbyllur vizitën zyrtare në Kosovë, gjatë së cilës është theksuar rëndësia e një marrëdhënieje konstruktive ndërmjet SHBA-së dhe Kosovës.
Ambasada amerikane ka bërë të ditur se senatorja Ernst, gjatë qëndrimit në Kosovë, ka vizituar edhe pjesëtarët e trupave nga Ajova në Kampin Film City, si dhe Kampin Bondsteel.
“Senatorja Joni Ernst përfundoi vizitën e saj në Kosovë, pas takimeve me liderët e institucioneve të Kosovës, përshëndetjes së trupave nga Ajova në Kampin Film City, si dhe vizitës në Kampin Bondsteel, ku takoi pjesëtarët e KFOR-it nga Komanda Rajonale-Lindje dhe Grupi i Mbështetjes së Zonës-Ballkan”, thuhet në komunikatën e ambasadës.
