Vendi ku artileria serbe rrafshoi Grackën e Vjetër kthehet në deponi mbeturinash, Buja: Fyerje për historinë, do ta kthej në park krenarie

Kandidati i Partisë Demokratike të Kosovës për kryetar të komunës së Lipjanit, Shukri Buja, ka reaguar i revoltuar nga Gracka e Vjetër.

Kjo revoltë e Bujës vjen pasi, siç thotë ai, vendi nga ku artileria serbe e kishte rrafshuar këtë fshat, në vend që të bëhet kujtesë kolektive, është shndërruar në depo mbeturinash.

“Nga deponi turpi: në park kujtese dhe krenarie! Në Grackën e Vjetër, aty ku më 1912 artileria serbe rrafshoi fshatin, sot është ngritur një deponi e mbeturinave e hekuri. Kjo është fyerje për historinë dhe kujtesën tonë kolektive”, tha Buja.

I njëjti premtoi se veprimi i parë i tij si Kryetar i Lipjanit do të jetë largimi i kësaj deponie dhe ndërtimi i një parku memorial me obeliskë, për të nderuar sakrificën e popullit tonë.

“Njëkohësisht, unë zotohëm publikisht: në Lipjan nuk do të ketë asnjë deponi ilegale të mbeturinave!”, përfundoi ai.