Ramadan Selimi, vëllai i “10-shit” të UÇK-së, Rexhep Selimit, ka folur për “GazetaDemos” pak orë para vendimit të Gjykatës Speciale për katërshen e UÇK-së.
Ai ka rrëfyer për takimet me Rexhepin gjatë periudhës së tij në qendrën e paraburgimit në Hagë, duke treguar edhe se sa është i informuar ai për zhvillimet në Kosovë.
“Sa e përcjell gjendjen në Kosovë, më duket se është i informuar mirë. Këta e kanë lejuar televizionin publik të Kosovës, nuk e di a ka edhe të tjera… Është i informuar. Për të ardhmen, të shohim. Një ditë, si për shaka, i kam thënë: ‘Valla Rexh, nëse na vjen shëndosh e mirë e triumfues, do të kisha thënë me e lënë politikën krejt’. U ndal e më shikoi: ‘Do ta mendoj’”, ka treguar Ramadan Selimi.
Ai shtoi se, sipas mendimit të tij, nëse Rexhep Selimi dhe të tjerët lirohen, duhet ta mbyllin me kaq sa I përket politikës.
