Vdes tragjikisht punëtori në Prizren, dyshohet se e zuri vinçi

Një punëtor ka humbur jetën sot tragjikisht në Prizren, në një incident gjatë punës në ndërtimtari.

Siç ka konfirmuar Policia tashmë. viktima është goditur nga një mjet i punës, gjatë kohës sa ishte duke punuar në punishte.

Bazuar në informacionet e para, dyshohet se e të ndjerin e zuri vinçi.

“Sipas informatave fillestare të siguruara nga dëshmitarët, dyshohet se viktima, derisa ishte duke punuar në një objekt ndërtimi, gjatë procesit të betonimit është goditur nga një pjesë e pajisjes së punës, me ç’rast ka pësuar lëndime fatale dhe ka humbur jetën në vendin e ngjarjes’’ ka thënë Shaqir Bytyqi, zëdhënës në Policinë e Kosovës për Rajonin e Prizrenit.