Vdes një 46-vjeçar në Malishevë, u aksidentua ditë më parë

Ka vdekur një 46-vjeçar në Malishevë pasi u aksidentua ditë më parë, shkruan Gazeta Demos.

Bëhet fjalë për Bajram Thaqi nga fshati Shkarashnik, i cili nuk arriti t’u përballojë plagëve të marra në aksident.

Lajmin e ka konfirmuar edhe drejtori rajonal i Policisë në Gjakovë, Lumni Graishta.

Sipas tij, viktima ishte dërguar për trajtim në Qendrën Klinike Universitare të Kosovës (QKUK) pas aksidentit, ku vetura ishte përplasur me një shtyllë betoni.

Graishta ka bërë të ditur se, pavarësisht trajtimit mjekësor, personi ka humbur jetën sot.