Vdes aktivisti i Aleancës, Argjir Rexha - Haradinaj shpreh ngushëllime: Na ka pikëlluar të gjithëve

Ramush Haradinaj përmes një postimi në Facebook ka njoftuar për ndarjen nga jeta të aktivistit të Aleancës, Argjir Rexha, shkruan GazetaDemos.

"Largimi i papritur i Argjirit na ka pikëlluar të gjithëve. Ai do të kujtohet gjithmonë si njëri nga aktivistët e ditëve të para të Aleancës, një djalë me vullnet të jashtëzakonshëm, zemër të madhe dhe i dashur për të gjithë ata që patën rastin ta njohin e të punojnë me të", shkroi ai.

Postimi i plotë:

Me Dajën Ramë, nga familja e nderuar Rexha, njihemi prej shumë vitesh. Një njeri atdhetar e i respektuar nga të gjithë dhe i përkushtuar ndër vite ndaj Aleancës. Gjithë familja jonë e ndjen si pjesë të familjes, familjen Rexha. Sot morëm një lajm të hidhur për ndarjen e parakohshme nga jeta të djalit të tij, Argjirit, kolegut tonë në Aleancë.

Largimi i papritur i Argjirit na ka pikëlluar të gjithëve. Ai do të kujtohet gjithmonë si njëri nga aktivistët e ditëve të para të Aleancës, një djalë me vullnet të jashtëzakonshëm, zemër të madhe dhe i dashur për të gjithë ata që patën rastin ta njohin e të punojnë me të.

Ngushëllimet më të sinqerta Dajës Ramë, familjes Rexha, të afërmve, miqve dhe të gjithë atyre që e njohën Argjirin.

U prehsh në paqe, Argjir!