Uragani i fitores në Lipjan, entuziazëm i madh mes mijëra qytetarëve në tubimin qendror të LDK-së

Në një atmosferë të jashtëzakonshme, me pjesëmarrje masive të qytetarëve, Lidhja Demokratike e Kosovës mbajti sonte tubimin qendror në kuadër të fushatës se zgjedhjeve lokale.

Kandidati aktual, i cili kandidon edhe për një mandat në Lipjan, Imri Ahmeti vlerësoi se projektet e realizuara për këto katër vjet qeverisëse, kanë transformuar çdo lagje e çdo fshat, duke përmirësuar jetën e qytetarëve dhe duke ndërtuar një Lipjan më të zhvilluar.

“Lipjani uragani i fitores. Sonte Lipjani është zemra që rreh më fort se kurrë, dhe ky tubim madhështor është vula e fitores, sepse bashkë kemi ndërtuar, bashkë kemi zhvilluar dhe bashkë do të vazhdojmë të ecim përpara.

Entuziazmi i jashtëzakonshëm dëshmon qartë se kemi punuar me transparencë dhe përgjegjësi, dhe me projekte që kanë transformuar çdo lagje e çdo fshat të Lipjanit. Sot secili prej tyre qëndron më mirë se dikur, dhe kjo është garancia e fitores sonë të padiskutueshme, tha ai.

LDK-ja në Lipjan e vlerësoi këtë përkrahje si garanci të fitores së padiskutueshme, duke theksuar se qytetarët kanë zgjedhur të ardhmen dhe punën konkrete, e jo propagandën.

“Ky uragan i fitores është për vazhdimin e punës së ndershme, për zhvillimin e qëndrueshëm dhe për Lipjanin që të gjithë e duam. Me punë, jo me fjalë, kemi dëshmuar se Lipjani ecën përpara.

Lipjani ka zgjedhur të ardhmen, jo të kaluarën. Ka zgjedhur punën, jo propagandën. Lipjani ishte, është dhe do të mbetet bastioni i fitores së LDK-së! Faleminderit për këtë mbështetje të jashtëzakonshme!”, përfundoi Ahmeti.