Gjatë një kontrolli rutinë para terminalit të Aeroportit Ndërkombëtar të Prishtinës “Adem Jashari”, njësitë e sigurisë kanë ndalur një veturë me targa civile, drejtuesi i së cilës dyshohet se ishte prezantuar si person zyrtar.
Sipas informacioneve zyrtare, i dyshuari një mashkull kosovar ka paraqitur dokumente që pretendonin autorizime zyrtare.
Verifikimi i menjëhershëm ka zbuluar se vetura është pronë e një kompanie private dhe se dokumentet e prezantuara nuk kanë qenë të vlefshme. Për këtë arsye, me urdhër të prokurorit kujdestar, është iniciuar procedurë penale ndaj të dyshuarit për prezantim të rremë si person zyrtar .
“ ANP. Adem Jashari / 03.12.2025 – 10:30 . Gjatë kontrollimit të rregullt para terminalit, një veturë me targa civile ishte prezantuar si veturë zyrtare, dhe i dyshuari mashkull kosovar drejtuesi i mjetit kishte prezantuar po ashtu dokumente zyrtare. Gjatë verifikimit ka rezultuar se vetura është pronë e një kompanie, ku me urdhër të prokurorit kujdestar ndaj të njëjtit është inicuar rasti dhe procedohet në procedurë të rregullt.”, thuhet në raportin e policisë.
