AAK ka mbajtur një tubim të madh sonte në Deçan, ku u dëshmua mbështetja e fuqishme qytetare për këtë subjekt politik.
Kandidati i AAK-së për deputet, Arbër Tolaj, vlerësoi lart pjesëmarrjen dhe energjinë e qytetarëve, duke theksuar se Deçani mbetet një shtyllë e fortë e Aleancës.
Sipas tij, tubimi u karakterizua nga besimi, krenaria dhe vendosmëria për të vazhduar përpara drejt fitores.
“Në Deçanin e liderit dhe komandantit z. Ramush Haradinaj, u mblodhëm në një tubim madhështor, i mbushur me besim, krenari dhe vendosmëri. Deçani edhe njëherë dëshmoi se mbetet shtyllë e fortë e Aleancës për Ardhmërinë e Kosovës.
Faleminderit nga zemra për mbështetjen e jashtëzakonshme, për energjinë dhe për qëndrimin gjithmonë krah nesh. Kjo përkrahje na obligon të punojmë edhe më fort për Kosovën që e meritojmë”, tha ai.
Tolaj tha se me Ramush Haradinajn në krye dhe me moton “Krah Teje”, do të vazhdojnë të bashkuar dhe të vendosur drejt fitores.
