Presidenti i Shteteve të Bashkuara të Amerikës, Donald Trump, ka folur sërish për angazhimin e tij në kuadër të parandalimit të luftëtarëve dhe sjelljes së paqes.
Trump në mesin e deklarimit përmendi edhe “shpërthimin” e mundshëm të luftës në mes Kosovës dhe Serbisë.
Këtë deklarim ai e bëri gjatë një interviste për gazetarin Australian Mario Nawfal.
Trump tha se kanë arritur të shpëtojnë miliona jetë.
“Ne kemi zgjidhur shumë luftëra. Një nga luftërat, mendoni për këtë, Indi-Pakistan… bërthamore. Shikoni Kamboxhian kohët e fundit. Vetëm këtë javë, ne zgjidhëm një luftë të madhe mes Kongos dhe Ruandës. Kosova, e dini për këtë. Serbia, ajo do të shpërthente”, deklaroi Trump.
🚨🇺🇸 TRUMP: “I THINK I SETTLED ABOUT A WAR A MONTH” "We've settled a lot of wars. One of the wars, think of it, India-Pakistan… nuclear. You look at Cambodia just recently. Just this week – Congo – we settled a big one with Rwanda. Kosovo, you know about that. Serbia,… https://t.co/MDixd3m7x6 pic.twitter.com/eC0YzcbFuv
I pari i Shtëpisë së Bardhë tash e një kohë goxha shpesh e ka folur rreth parandalimit të luftës mes Kosovës dhe Serbisë.
Në lidhje me këtë çështje ditë më parë foli edhe zëdhënësja e Shtëpisë së Bardhë Karoline Leavitt.
E për këtë çështje deklarim pati edhe presidentja e vendit, Vjosa Osmani- e cila ndër të tjerash pati deklaruar se ishte informuar për një rrezik të mundshëm muaj më parë.
