Tre persona janë arrestuar në fshatin Ticë të Skenderajt, nën dyshimin për vjedhje të rëndë.
Sipas raportit 24-orësh të Policisë së Kosovës, rasti ka ndodhur më 26 tetor, rreth orës 00:30, kur të dyshuarit janë takuar me një veturë, në të cilën kishin ngarkuar gjësende të ndryshme që dyshohet se i kishin vjedhur nga një lokal.
Në mesin e gjësendeve të gjetura kishte cigare, motosharrë, maska, kapela, orë dore, sëpatë, çekan, si dhe para të metalta dhe të letrës.
Gjatë kontrollit, te të dyshuarit është gjetur dhe sekuestruar edhe një pistoletë me karikator dhe gjashtë fishekë.
Në konsultim me prokurorin, dy nga të dyshuarit janë dërguar në mbajtje, ndërsa i dyshuari i tretë, i mitur, i është dorëzuar Stacionit Policor në Malishevë, pasi ishte liruar me kusht për dy vjet për raste të vjedhjeve.
VJEDHJE E RËNDË - Fsh. Ticë, Skenderaj 26.10.2026 – 00:30. Janë arrestuar tre të dyshuar meshkuj kosovarë për shkak se të njëjtit janë takuar me një veturë në të cilën kishin pasur të ngarkuar gjësende të ndryshme si: cigare, motosharrë, maska, kapela, orë dore, sëpatë, çekan, para të metalta dhe të letrës që dyshohet se i kanë vjedhur nga një lokal. Te të dyshuarit është gjetur dhe sekuestruar edhe një pistoletë me karikator dhe 6 fishekë. Në konsultim me prokurorin, dy prej të dyshuarve janë dërguar në mbajtje, ndërsa i dyshuari i tretë (i mitur) i është dorëzuar Stacionit Policor Malishevë pasi i njëjti ishte liruar me kusht për dy vite për raste të vjedhjeve.
